不可錯過的 ‧ 三明治

如果你去丹麥嘅餐廳嗌份三文治，但來到發覺唔係兩塊包夾住啲餡，唔使心急舉手住，因為開放式三文治就係丹麥嘅特色菜。佢係喺一塊新鮮嘅白麵包/黑麥麵包搽上牛油，然後再放上多樣化嘅配料，例如肉、魚、芝士、各種調味料同蔬菜。喺哥本哈根好多餐廳都有賣開放式三文治，而且各有招牌菜單，坐國泰航空全新直飛哥本哈根航線，清晨就到埗，早午晚各試一間無難道！

不可錯過的 ‧ 當地啤酒

丹麥之所以咁出名啤酒，其實同佢嘅歷史息息相關，維京人嗜啤酒如命，什至只飲淡啤酒唔飲水，到左而家，丹麥人都繼續喜愛啤酒，據講一個丹麥人一年可以飲 80 公升嘅啤酒，所以丹麥嘅啤酒釀造業仍然非常發達，包括世界知名嘅啤酒品牌嘉士伯同樂堡，都係來自丹麥。但一場來到丹麥，記得要試下小型釀酒廠嘅啤酒，佢地多數選用當地材料釀造，限量生產而且各有特色，喺香港買唔到架！

不可錯過的 ‧ 美人魚

去到哥本哈根，有一個人係一定要見一見，佢就係著名美人魚喇！喺1909年，嘉士伯啤酒嘅創辦人因為欣賞左安徒生《小美人魚》改編而成嘅芭蕾舞劇深受感動，所以搵雕刻家艾瑞克森建造左小美人魚雕像。小美人魚像多年來遭受到多次破壞，但始終亦毋損佢嘅吸引力，每日都吸引大量遊客前來同佢合照。

哥本哈根當然仲有更多精彩景點等你發掘啦！
即刻用你Facebook收到嘅優惠碼，上安達即時訂票系統買國泰直航哥本哈根機票，每交易即減$200！