不可錯過的 ‧ 一份早餐

坐國泰直航都柏林嘅班機，朝早6點幾就到步，當然要嘆返個早餐先啦！一份地道嘅愛爾蘭早餐，一定唔少得黑白布丁。你以為係飯後甜品？其實佢係英國同愛爾蘭都非常流行嘅一種血腸，主要用豬血、燕麥同動物脂肪製成，而黑同白分別在於有無加豬血。去到一定要試一試呀！

不可錯過的 ‧ 一杯啤酒

愛爾蘭出名啤酒相信好多人都知，但點先飲到最獨特，最有紀念價值嘅一杯啤酒？去超過百年歷史嘅健力士酒廠參觀，除左可以認識啤酒嘅釀製過程，仲可以親自學習點樣斟杯嘅完美泡沫比例嘅靚啤酒，印埋有自己名嘅證書，夠晒獨一無二！記得去埋觀景台睇靚景，同買各樣啤酒味手信帶返香港呀！

不可錯過的 ‧ 一個圖書館

你可能會問 ? 去旅行已經行萬里路，仲使咪讀書 ? 但呢個圖書館，入去唔睇書，感受下氣氛都好！佢係愛爾蘭最大最古舊嘅圖書館，亦同英國的大英圖書館、牛津大學圖書館齊名，被譽為“歐洲三大圖書館”。就連電影「哈利波特：神秘的魔法石」，都係喺度取景架！

不可錯過的 ‧ 一間(?)Bar

Temple Bar，其實唔只一間bar咁簡單，而係成個酒吧區，更被稱為文化薈萃之地，每間bar都會有駐場樂手演奏，由傳統愛爾蘭音樂到搖滾樂都有！加上大部份酒吧區由中午開始營業，可以日抖影下相，夜晚飲杯放鬆下。

都柏林當然仲有更多精彩景點等你發掘啦！
即刻用你Facebook收到嘅優惠碼，上安達即時訂票系統買國泰直航都柏林機票，每交易即減$200！